“Academy Express” – Avropa nəşrinin yayılması

“Academy Express” – Avropa nəşrinə abunəlik.

“Academy Express” – həftəlik klinik-informasion bülleten olub, hər həftə elektron poçt vasitəsilə dünyanın müxtəlif ölkələrində çalışan 66 000 çox oftalmoloqa göndərilir. Bülletendə oftalmologiya sahəsində baş verən yeniliklərin qısa xülasəsi, resenziyalı klinik jurnallardan əsas momentlər və bu sahədə dünyanın aparıcı mütəxəssislərinin rəyləri, həmçinin  Amerika Oftalmologiya Akademiyası (AOA) və əməkdaş təşkilatlardan müxtəlif yeniliklər yer alır.

Milli və regional təşkilatlarla əməkdaşlığı sayəsində “Academy Express” dünyanın müxtəlif regionları üçün spesifik nəşrlər hazırlayır. Bu nəşrlər Pan-amerika, Asiya-Sakit okean regionu, Avropa və Yaxın Şərq regionunda çalışan oftalmoloqların maraqlarını nəzərə alaraq 4 əsas qrupa bölünür.

MOİYB-nin AOA ilə imzaladığı müqaviləyə əsasən Azərbaycan oftalmoloqları “Academy Express”- Avropa nəşrinə abunə ola bilərlər. Abunəlik tam ödənişsizdir.

“Academy Express” – Avropa nəşrinin redaksiya heyətinə Azərbaycandan Dr. Emin Əlihüseynli və Dr. Tural Qəlbinur daxildir.

Bunun üçün linkə daxil olub, qeydiyyatdan keçmək kifayətdir.