Akademik Z. Əliyeva adına Milli Oftalmologiya Mərkəzinin yeni binasının 15 illiyinə həsr olunmuş konfrans.

22 may 2024-cü il tarixində Akademik Zərifə Əliyeva adına Milli Oftalmologiya Mərkəzinin yeni binasının 15 illiyi münasibətilə mərkəzdə konfrans həyata keçirildi. Konfransda Milli Oftalmologiya Mərkəzinin həkim heyəti ilə yanaşı digər müəssisələrdən olan əmədaşlar da iştirak etdilər.

Akademik Zərifə Əliyeva adına Milli Oftalmologiya Mərkəzinin direktoru, Prof. Elmar Qasımov konfransı öz çıxışı ilə açaraq, mərkəzin 15 illik fəaliyyətindən və bu illər ərzində görülmüş uğurlardan bəhs etdi.

Sonra Akademik Zərifə Əliyeva adına Milli Oftalmologiya Mərkəzinin direktoru Prof. Elmar Qasımov mərkəzin aparıcı mütəxəssilərini mərkəzin 15-ci ildönümünə həsr edilmiş xatirə medalı və təbrik diplomu ilə təltif etdi.

Konfransda t.e.d. Hicran Namazova, t.e.d. Nizami Bağırov, t.e.d. Rəna Ağayeva, t.e.d. Nübar Haşımova, t.ü.f.d. Aybəniz Əhmədova, t.e.d Müşfiq Kərimov, baş tibb bacısı Sevil Seyidzadə, t.ü.f.d. Cəmil Həsənov və t.ü.f.d. Lalə Axundova öz xatirələri, praktik fəaliyyətləri, həmçinin nailiyyətləri barədə müxtəlif xarakterli çıxışlarını konfrans iştirakçılarının diqqətinə təqdim edərək, mərkəzin fəaliyyətlərindən və uğurlarından bəhs etdilər.

Müasir Oftalmologiyanın İnkişafına Yardım Birliyinin sədri Dr. Emin Əlihüseynli Akademik Z. Əliyeva adına Milli Oftalmologiya Mərkəzinin yeni binasının 15 illiyi münasibətilə üzərində mərkəzin fotosu təsvir olunmuş hədiyyə plaketini mərkəzin direktoru Prof. Elmar Qasımova təqdim etdi.

Konfransın sonunda xatirə fotosu çəkdirildi.