Müasir Oftalmologiyanın İnkişafına Yardım Birliyinin yeni rəsmi veb-saytı

2021-ci ilin fevral ayından etibarən Müasir Oftalmologiyanın İnkişafına Yardım Birliyinin (MOİYB) rəsmi veb-saytı fəaliyyətə başlayıb. Saytda MOİYB haqqında məlumatlarla yanaşı təşkilat tərəfindən həyata keçirilən layihələr və tədbirlər, həmçinin beynəlxalq oftalmoloji təşkilatların təqdim etdiyi qrant proqramları və müxtəlif faydalı resurslar barədə məlumat yerləşdirilib.

Saytda oftalmoloqlar onları maraqlandıran bir çox suallara cavab tapa, maraqlı klinik hallar barədə oxuya, biliklərini qiymətləndirə bilərlər.

Saytda mütəmadi olaraq dünya oftalmologiyasında baş verən yeniliklər, oftalmoloqlarımız üçün faydalı proqramlar və istifadə oluna biləcək müxtəlif faydalı resurslar barədə məlumatlar yerləşdirilir.

Sayt ölkəmizdə İT texnologiyalar istiqamətində lider olan “MasterStudio” şirkəti tərəfindən hazırlanıb və mütəmadi olaraq texniki dəstəklə təmin edilir.