Türk Cümhuriyyətləri Oftalmologiya Dərnəyinin (TCOD) gənc oftalmoloqlar komitəsinin IV vebinarı

21 noyabr 2021-ci il tarixdə, Bakı vaxtı ilə saat 15:00-da Türk Cümhuriyyətləri Oftalmologiya Dərnəyinin (TCOD) gənc oftalmoloqlar komitəsinin on-line vebinarı keçirildi. Vebinarda Müasir Oftalmologiyanın İnkişafına Yardım Birliyinin sədri və TCOD gənc oftalmoloqlar komitəsinin mentoru Dr. Emin Əlihüseynli, Ankara Başkənt Universitetinin Oftalmologiya kafedrasının rəhbəri Dr. Gürsəl Yılmaz və TCOD gənc oftalmoloqlar komitəsinin sədri Dr. Burcu Nurözlər Tabakcı toplantıya moderatorluq etdilər.

Toplantıda Azərbaycandan Dr. Günay İbrahimzadə və Dr. Nərgiz Bədəlova həmçinin, Türkiyə, Qazaxıstan, Özbəkistan və Türkmənistandan olan gənc oftalmoloqlar müxtəlif klinik hallar üzrə məruzələrlə çıxış etdilər.

Mövzular üzrə müzakirələr həyata keçirildi, müxtəlif fikirlər səsləndirildi.

Toplantı TCOD-un sədri Dr. Önər Gəlişkənin və Türk Oftalmologiya Cəmiyyətinin (TOD) fəxri sədri Dr. Sunay Dumanın gənclərə arzu və tövsiyyələri ilə yekunlaşdı. Sonda vebinardan xatirə fotosu çəkildi.