“ICO Exams”-dan müvəffəqiyyətlə keçmiş gənc oftalmoloqumuz
Hər il Beynəlxalq Oftalmologiya Şurası (International Council of Ophthalmology – ICO) bütün dünyada oftalmoloqlara Nəzəri və Klinik Biliklərin Qiymətləndirilməsi imtahanında iştirak etmək imkanı yaradır.”ICO Exams” hər il aprel ayının ilk günlərində oftalmoloqun yaşadığı ölkədə keçirilir. 2009-cu ildən etibarən “ICO Exams” Azərbaycanda da təşkil olunur. O vaxtdan etibarən istər iştirakçıların sayı, istərsə də imtahandan uğurla keçmiş oftalmoloqlarımızın sayı hər il daha da artaraq bizi qürurlandırır.
“ICO Exams” çox çətin, ancaq yüksək beynəlxalq prestijə malik, ingilis dilində yazılı imtahandır. İmtahanda iştirak edən şəxs yalnız öz biliyini deyil, eyni zamanda ölkəsinin oftalmologiya elminin səviyyəsini də beynəlxalq oftalmoloji aləmdə təmsil etmiş olur.
Beynəlxalq Oftalmologiya Şurası imtahanlarının (ICO Exams) 1-ci hissəni ilk dəfədən yüksək bal toplamaqla müvəffəqiyyətlə keçmiş və Azərbaycanımızın adını beynalxalq oftalmoloji ictimaiyyət arasında yüksəklərə qaldıran ATU-nun oftalmologiya kafedrasının rezidenti, gənc oftalmoloqumuz Dr. Aygün Alıyevanı təbrik edir, ona gələcək uğurlar arzulayırıq!